出發前我搵左好多坐 mini bus 落華欣既資料，就網上搵到既有好多種，上車既地方亦當然唔同。最多網友介紹同埋最容易搵到既係 Century The Movie Plaza KFC 旁邊巷仔果隻，其實 BTS Victory Monument 2 號出口一出就會見到，亦即係我地坐果種。
另一種有候車室既位處 Victory Plaza，不過我地無行過去，所以確實係點就唔太清楚。仲有一種係要行去醫院果邊近勝利碑既一條巷仔，因為好似太難搵，要左穿右插，所以都無深究。
我地買完飛之後大概等左 5-10 mins 就有車喇！上車後發覺只剩低最尾排既 4 個位同埋兩個單丁位，大人好自然就揀左尾排坐，點知就出事了！尾排個位窄到不得了，基本上我坐左係度就郁唔到，大人坐尾排窗口位就更慘，成程車要屈住對腳坐，真係陰公豬... 另外因為車尾放行李既地方已經 full 左，我地隻 luggage 就放左係上落車既位置，但就無另加收費。10:50am 開車喇，架 van 仔有少少似香港既亡命 van，速度都幾快，行左兩個鐘後會停油站俾乘客方便，中間亦都有人係七岩落車。當我見到 ESSO 油站就知到差唔多要落車喇，時間剛剛係 1:20pm，坐左兩個半鐘。一落車已經有 taxi 招攬生意，我地問左去 Let's Sea 要 150 Bhat，公價當然 no problem 啦！
2:00pm 我地終於到左 Let's Sea，先黎一杯 welcome drink 先，不過有 D 藥水味 =P
Let's Sea 俾我地既第一個感覺唔錯，環境好舒服好 relax 之外 D staff 都好熱情。Check in 後第一件事就梗係去醫肚啦，是日午餐我地選擇左有無敵海景既酒店餐廳 Let's Sea Hua Hin's Beach Restaurant。
坐住張軟綿綿既 sofa，對住個無敵海景，食好好味既鏡橋玩計同埋冬蔭炒飯，咪就係享受人生囉。
食飽之後我地四圍行下。餐廳旁邊有間 Horse Bar，顧名思義當然係海灘騎馬仔啦。
今次我地住既係 28 號 Moon Deck 房，門口既裝飾都好得意。
房間採自然光，設計亦簡簡單單，完全無半點奢華既感覺，好 relax，我同大人都好鐘意。
浴室亦都係採天然光線！
打開窗口望出去就係對面屋 Studio Pier 房間。
大約 3:40pm 我地出發去免費入場既懷舊村 PlearnWan 往日情懷。出發前我地預先同司機大哥約好 5:00pm 係 PlearnWan 門口接番我地，否則我諗係比較偏遠既 PlearnWan 都幾難截到車。由 Let's Sea 坐左 20 分鐘 taxi 我地話咁快就到左目的地喇。
入口呢個公仔，唔知係咪叫人捐錢保育呢？
裡面有咩懷舊野？有椰子糖~
有做法勁似日本章魚燒既 "雞蛋燒"，都幾有特色，但係味道一般~
而呢兩樣都係香港既懷舊野喎~
基本上我地今次去 PlearnWan 既目的係買旅遊書上見到既心形腰果餅，不過當我地問店員既時候佢話已經無了。我地唯有買樣子普普通通既芋頭味同芝麻味腰果餅啦...
再加多杯味道唔錯既懷舊奶茶補番數！杯奶茶有條繩拎住確係方便，點解香港無呢種設計？
除左野食之外，當然有其他懷舊擺設啦~
就連懷舊理髮店都有！
其實 PlearnWan 地方好細，一般行一個鐘真係乜都行哂，而我地 5:00pm 就離開 PlearnWan 出發往 Market Village。到達後大人見 Market Village 裡面有個內衣特賣場，當然唔會放過機會係咁睇係咁睇，而我就只好上樓上唱錢同四圍行下... 最後大人當然有戰利品啦，但係就只買了一個咁多。之後我地再行左陣 Tesco Lotus 就番 Let's Sea，走既時候已經天黑了。
番到 Let's Sea lobby 既時候，先影番張大會指定角度既夜景先。
有個 staff 見我地影得咁開心，就主動建議我地上樓上換個角度再影。我地經過一條樓梯上到去按摩既地方，又係另一番風味。
8:00pm 我地坐酒店既接駁車 ( 50 Bhat / person ) 去 Chaolay Seafood 食晚飯。落車後上條樓梯就到，雖然都幾多人，近海邊既幾乎坐滿，但係就唔駛等位。
我地叫左碟公車腩霸同埋一個海鮮拼盤~
仲有呢個超好味既椰青咖哩海鲜~
食完飯大概九點幾我地坐 Tuk Tuk 去 Night Market，100 Bhat 唔駛 5 分鐘就到。
個夜市其實唔算好多野睇，唯一吸引到我地慢慢睇既只有呢檔~
而最後我地帶左呢個好靚既 I LOVE YOU 香薰燈番屋企 =)
番到酒店已經 10:30pm 了~
沖完涼我地上左 Moon Deck 曬月光飲下野，可惜天色多雲，如果唔係一定好多星星好靚呢！
Reference Links:
Chaolay Seafood Restaurant
Let’s Sea Hua Hin Al Fresco Resort
Market Village
PlearnWan 往日情懷