感慨良多

每年這個時候，母親大人總會跟我們外出吃飯慶祝老婆生日。今次所選的餐廳是灣仔的越華會，味道當然不錯。臨別時媽媽悄悄地跟我說：「快D生番個B啦，睇相佬話我得67歲命咋。」我說：「努力中喇。」屈指一算，就只剩三年了。那一刻，我感慨萬分．．．

我明白生死有時，但當要準備去面對之時，人總是會顯得軟弱無力。老實說，有時候我也想找媽媽吃個飯陪伴一下，但工作真的令我喘不過氣來。每日工作最少12小時，沒有吃午飯的時間，就是說要一邊吃飯一邊工作，星期六還要工作6小時。雖然現在 office 的同事也不錯，但我真的累了．．．生BB的計劃少不免也受到影響。三個月前，雖然也不是早放工，人工也比現在少20%，換來的是多一點時間，而因工作地點近舊居，一星期也有三晚可以回老家跟媽媽吃晚飯。

一切得由兩個月前說起．．．由於之前一直對薪金的不滿，而我的伯樂也在今年年頭離開了公司，所以當時便決定到外面闖一闖。但天意弄人，雖然新工不是太夜收工，但被派往一間遍地炸彈的分行，而整天工作就是對著兩個黑面神，工作環境充滿負能量。一個月後，舊公司的老闆問我有沒有興趣 rejoin，而我還可以選擇分行！在當時的環境下，我想誰都會答應，而我便選了一間只有3分鐘車程的分行為新工作地點。誰料這間分行大部份同事都在我入職後不久便 last day 了，基本上要我一個人揹起整間行的營運，很吃力！

兩天前我的伯樂問我有沒有興趣轉去她的公司 under 她。雖然自己心底裡其實也很渴望，但因為這兩個月發生的事再加上我沒有太大信心做那個 position，令我很害怕很害怕又再次做錯決定．．．結果我要求了一個我自己也覺得太高的人工，現在唯有等她的回覆才去想了。如果，她在離開公司後至一個月前之內的任何時間找我，我是沒有任何 concern 的，又是天意嗎？

這幾個月內發生的一切更令我覺得人生的大部份事情都是由 timing 決定。一般人都說戀愛結婚要 timing，我認為找好工也要 timing，升職加薪要 timing，有小朋友亦要 timing。有時當你迷網的時候，命運便會帶著你走，但老天有時也可能會跟你開個玩笑。人，除了積極面對，在不放棄現有的生活條件下，還可以做甚麼嗎？

人生第一隻機械錶 - SEIKO Premier SSA213J1

話說早幾個星期前老婆突然說想送隻手錶給我，我當然高興，加上我早有換錶的意思，於是更加把勁於網上搜集資料！原本看上一隻 Armani 的（其實 EA 的錶款大部份都很美），但當知道 Armani 的錶是大陸機芯後便有點卻步，始終 HK$2,xxx 買內地製的貨品有點不值亦擔心不耐用。再找一下，IWC 的太美但價錢也太美了吧．．．事實上 within budget 的只有日本錶和平價的入門瑞士錶，但平價瑞士機械錶的錶款並不是我那杯茶。

 

尋尋覓覓，在網上找到精工的 SSA021J2 好像不錯，走去看看實物時卻發現 SEIKO Premier 的另一新錶款 SSA213J1 (4R39-00L0) 更吸引我視線！想了數天，上個星期日終於決定把它帶回家，多謝老婆大人！我實在太愛它了，第二天已給它拍寫真，雖然沒有用腳架﹑攝影棚﹑微距鏡和閃燈，只用上書檯燈和電筒手持小白兔拍下這三張作品我已十分高興，哈哈！！！

 

SEIKO Premier SSA213J1 的鏡面採用藍寶石水晶 (Sapphire Crystal)，鏤空錶面 open-heart 設計、羅馬時標、另用白色錶面配上深藍色的時、分、秒針，散發著古典味之餘不失時尚美感 =P


SEIKO Premier SSA213J1 (front)

SEIKO Premier SSA213J1 (back)



2013 巴爾幹半島之旅 - 波斯尼亞編

旅程的第二站是波斯尼亞 (Bosnia)。波斯尼亞的人民其實大部份都有一段非常痛苦的過去，這個國家大大小小的建築物已細說了這段往事 - 巴爾幹戰爭 (The Balkan Wars)。

 

  

希望隧道 (Tunnel of Hope) - 薩拉熱窩 (Sarajevo) 被塞爾維亞軍隊圍城時就是靠這條地底隧道運送物資！

來到薩拉熱窩這個城市，子彈孔仍到處皆是。這條狙擊手走廊不知佈滿多少無辜民眾的冤魂．．．而當中有一段淒美的故事就是發生在這亂世: 一個信奉東正教的塞爾維亞青年跟一個信奉回教的波斯尼亞少女相戀，雖然他們不理會其他人的反對，但無奈天意弄人，最終雙雙死在槍林彈雨之下，死時仍相擁著對方．．．他們的愛超越政治，超越宗教，超越種族，正是林夕筆下的歌曲 <<薩拉熱窩的羅密歐與茱麗葉>> 的主角。

 

薩拉熱窩除了羅密歐與茱麗葉的故事有名外，他也是歐洲第一個運行電車的城市。

離開薩拉熱窩往莫斯塔爾 (Mostar) 的中途站，想不到也有美麗的風景。

莫斯塔爾古橋 (Old Bridge) 是波斯尼亞的地標，基本上大大小小的記念品你也會發現到它的縱影。

Mostar 一間 cafe 內的馬賽克畫，很美！

告別雨中的 Mostar 準備往下一個國家克羅地亞的同時，窗外的景色彷彿告誡世人不要忘記波斯尼亞這段有血有淚的黑暗歷史。

Refernce Links:
Tunnel of Hope (Sarajevo Tunnel)
Romeo and Juliet in Sarajevo
Stari Most (Mostar Old Bridge)
Hotel Sarajevo (第一晚住宿)
Hotel Bristol Mostar (第二晚住宿)

2013 巴爾幹半島之旅 - 塞爾維亞編

 

整個巴爾幹半島之旅嘅第一站係塞爾維亞 (Serbia)。我地先由香港飛 12 個鐘去伊斯坦堡 (Istanbul)，再轉個半鐘機飛塞爾維亞首都貝爾格萊德 (Belgrade)。

我地先去遊覽位於多瑙河和沙華河交界嘅卡里麥坦城堡 (Kalemegdan Fortress)。古堡內有好多坦克同埋大炮等軍事設施。

 

唔少得勝利柱上右手持劍，左手有隻鷹嘅裸男。

下一站係以土耳其伊斯坦堡聖蘇菲大教堂為藍本嘅聖沙華教堂 (Cathedral of Saint Sava)。其實教堂仍是建造中，不過已經感覺到佢嘅宏偉。

教堂內嘅馬賽克畫係人手逐塊馬賽克貼上，犀利！

之後我地去到塞爾維亞第二大城市 - 諾維薩德 (Novi Sad)。走進自由廣場，就馬上俾呢度嘅中世紀文化氣息吸引。

悠閒地坐喺自由廣場嘅一角，聽住石像下老伯演奏嘅歐洲古典音樂，那一刻，我實實在在咁感受到自己真的身處歐洲！！！

Refernce Links:
Kalemegdan Fortress
Cathedral of Saint Sava
Novi Sad
IN Hotel Belgrade (當晚住宿)

2013 巴爾幹半島之旅 - 序

已經唔記得左幾耐無寫 blog，一來忙二來懶。趁著今個復活節假期得閒就寫番一年前嘅巴爾幹半島蜜月之旅吧。

好多人都會奇怪，點解會揀巴爾幹半島作為渡蜜月嘅地方？原本我地首選嘅係去希臘聖淘維尼島 enjoy 愛琴海嘅浪漫，不過礙於老婆極怕貓，所以去唔到成街都係貓嘅希臘。另外，shopping 為主嘅地方我地無興趣，而東南亞嘅國家幾時都去得啦。正四處尋找其他目的地時，新華牆上貼左一張好大好靓嘅 poster！細問之下，poster 中嘅地方叫 dubrovnik (中文為杜邦力或杜布羅夫尼克)，於是我地就決定去呢度渡蜜月！

(差不多的角度，當然旅行社的 poster 比我呢張陰天下的劣作美得多！)

走遍香港各大旅行社加埋一大堆 research，結論係自由行要轉機而交通亦非常不便 (無鐵路只有巴士)，而跟團嘅話一般都要去整個巴爾幹半島 (The Balkans)。因為籌備結婚嘅事已經好煩，所以跟團應該係最好嘅選擇！最後我地 join 左 Kuoni 勝景遊 5 月中出發嘅 14 天團，塞爾維亞入，羅馬尼亞出，前後途經共 8 個國家。

近年巴爾幹半島成為香港新興嘅旅遊熱點，它位於歐洲東部，簡單來說就是在意大利半島嘅東面。天氣方面，5 月份一般大概有 20 度多，雖然日照時間長，但早晚會涼。如遇上雨天加上大風，感覺上氣溫只有十度多，所以出發前必須準備足夠衣物。

Reference Links:
維基百科 - Dubrovnik
維基百科 - 巴爾幹半島
Kuoni 勝景遊

2011 曼谷華欣之旅 Day 6 - Let's Home

第六日 (14-OCT-2011) 8:30am 就已經起身，迎接最後一日既旅程。

食過早餐後番房，同今次旅程既戰利品影張大合照先~


執埋行李 11:00am check-out，我地先將行李放係 Pullman，再出去作最後衝刺！
 

11:30pm 到達 MBK，不過始終都搵唔到大人想要既野，無計... 買野時間又所剩無幾，唯有先去 Armarin Plaza 間林真香買手信，再到 Central World 行下。呢個時候大人已經唔想再行了，咁不如坐低嘆下泰國既 Häagen-Dazs 啦~


之後我地 2:30pm 番到酒店拎番 D 行李再 call taxi，雖然係有少少趕，不過由 Pullman 到 Phaya Thai 站塞埋車都只係 10 mins！其實成個下晝我地既時間都預得好盡，回程雖然都係坐黃色線用左半個鐘係 3:30pm 就到機場，4:00pm 我地已經過埋關準備食最後的雞飯，飛機原定 4:40pm 起飛，不過就 delay 左 20mins。

我同大人既曼谷華欣之旅最終亦在善用時間之下完結 =P

2011 曼谷華欣之旅 Day 5 - Let's Shopping

第五日 (13-OCT-2011) 10:15am 係 Pullman 食早餐，坐係週圍既都係香港人多，同係 Let's Sea 既感覺截然不同。不過 Pullman 既早餐 buffet 選擇都算多，蝦餃燒賣尤其好味，可以話係唔錯。

食完早餐我同大人請 reception 姐姐幫忙打電話俾 Lavana Bangkok Spa 諗住 book 下一日既 10:30am 做 massage，點知打左幾次 Lavana 果邊都未有人聽電話，我地唯有番上房先啦。 11:30am 我同大人出發去新開既商場 Terminal 21，經過 reception 既時候個 staff 同我地講 Lavana 已經覆左話下一日最快要 11:30am 先有位，但係今日 1:00pm 前就仲有。因為第二日我地要坐 4:40pm 班機實在太趕，橫掂都係去 Asok，於是我地決定即刻改變行程去按摩先！

由 BTS Asok 站行去 Lavana 其實都幾近，只要跟足 Lavana website 既地圖行，經過 Times Square 後第一個街口轉左直行就會見到，就算我地第一次去唔駛兜路都已經好快搵到喇。



12:30pm 我地到達 Lavana 禪，入到去大堂既感覺都幾舒服。大人揀左有 promotion 做緊既 Aroma Oil Massage，送一個鐘 body scrub。為左就番時間，我就揀左一個鐘 Foot Massage 加兩個鐘 Thai Massage & Herbal Ball。按摩之前我地要填問卷，仲可以揀兩個重點部位去按添！



基本上我地對 Lavana 既 comment 如下:
- Foot Massage 力度唔夠，冷氣比夠大，舒適度普普通通
- Thai Massage 力度適中之餘亦有深度，唔係求求其其，呢個要俾個 Like
- Herbal Ball 感覺好似用條熱毛巾印下印下 D 皮膚咁，有陣草味，都算舒服既
- Aroma Oil Massage 力度適中算唔錯，但要注意如果揀左隻淡味既油按既時候就會聞唔到
- Body Scrub 感覺普普通通，但係磨完之後 D 皮膚又的確係好滑

甜品係 Strawberry Mousse。


我地按完已經 3:30pm 喇，真係好鬼肚餓... 所以貪就腳揀左街口間鋪仔食晏，點左個魚蛋米同埋椰汁雞，味道算係唔錯~



食飽飯就梗係行下呢個開張只有兩日既 Terminal 21 啦，呢個位於 BTS Asok 站隔離既 shopping mall 真係令人充滿期待呀~~~


一入 Terminal 21 已經好有機場 feel，就連門口 check 袋既實 Q 哥哥都一身機場保安打扮呀。而上落扶手電梯亦有 departures 同 arrivals 等字眼，直頭帶左我地去機場啦！



Terminal 21 帶你環遊世界，第一站係日本街~


之後既係英國~ 當然唔少得倫敦巴士啦！



我地經過中東~


路過金門大橋~


飛到巴黎同大人買化妝品 >0<


Shopping 完，再飛去羅馬兜個圈先~


最後就探索一下呢個機場裡面既 facility，頂層除左有 cinema 之外，仲有就係 Let's Relax 啊~~~ 不過我地下次再黎 Terminal 21 先會搵你 relax relax 喇...


成個 Terminal 21 設計好正，感覺好舒服！每一層都有自己獨特既主題，賣既野亦都好集中，而且指示清晰，配有 touch screen 大 mon enquiry，唔駛四圍搵。Overall 真係贏香港 D 商場幾條街，完全係兩個層次！(順帶一提個洗手間都好靚架，hoho[新屎坑]~)

行完 terminal 21，大人仍然未買到想買既野，於是我地就轉戰 Siam Paragon。其實夜晚既 Siam Paragon 外面真係幾靚架~



行左一輪差唔多 8:00pm 都係徒勞無功，我地唯有去 Central World 既 Kum Poon 食泰國菜，作為呢次旅程既最後的晚餐...


是日主菜係咖哩魚蛋撈米~


仲有咸蛋炒飯~


小食有一枝枝棟起既炸雞翼~


加埋個炒雜菜，埋單計埋個椰青總共 530 Bhat~


食飽飽後我地行左去 Big C 作最後衝刺。見隔離個台灣人買百力滋買得咁開心，我地先發覺原來 Big C 有勁多香港無既味道！如是者，我地一共掃左 51 盒百力滋包括泰式沙律味番香港，其中我覺得 blueberry，strawberry 同埋 lychee 係最好味既！

睇下！就連固力果人都由心斎橋跑到黎 Central World 喇！


Reference Links:
Big C
Central World
Lavana Bangkok Spa
Let's Relax Spa
Pullman Bangkok King Power Hotel
Siam Paragon
Terminal 21