2010 年 11 月份組合表現

轉眼已經 11 月 30 日，又是做月結的時候。在多隻股票上升的帶動下，今天組合表現大幅跑贏恆指接近 3%，為 11 月份劃上完美的句號。本月恆指下跌 0.38%，同期組合回報 6.67%，跑贏大市 7.05%，表現合格。回顧本月操作，大方向買賣沒有甚麼出錯，但某些時機就是把握得不夠準，例如之前於高位遲了一兩天出貨，便令本月回報大減。 我大致滿意組合內股票的走勢，但仍有幾隻是隨時會被剔出，包括英皇證券 (00717.HK) 和中信大錳 (1091.HK)，而招金 CW (25361.HK) 亦會於短期內止賺。另一方面，列入觀察名單的股票包括華晨中國 (01114.HK)，惠理集團 (00806.HK)，華潤水泥 (01313.HK) 和中國龍工 (03339.HK)，波斯登 (03998.HK) 業績比我想像中好，亦有機會買回。

2010-11-30 的股票組合如下:
小型企業　　(航運類股票) 9%
英皇證券　　 (00717.HK) 6%
AIA　　　　 (01299.HK) 11%
中國聯塑　　 (02128.HK) 8%
中國人壽　　 (02628.HK) 8%
重慶機電　　 (02722.HK) 8%
上海電器　　 (02727.HK) 7%
小型企業　　(衣履類股票) 7%
保利協鑫　　 (03800.HK) 16%
中海石油化學 (03983.HK) 12%
其他包括: 招金 CW (25361.HK) > 中信大錳 (1091.HK) > 四環醫藥 (00460.HK) > 長興國際 (00238.HK)

等待業績公佈

今天中國聯塑股價大升超過 16%，組合理應大幅跑贏大市，但無奈保利協鑫和英皇證券都逆市跌超過 3%，拖累組合只能略勝大市。之前賣出的波斯登今天公佈業績，此股於近兩個月的走勢疲弱，預期業績將沒有驚喜。說到業績，英皇證券將於 12 月 7 日公佈末期業績，這亦是我之前買回此股的原因。另外相信保利協鑫亦將於 12 月份公佈業績，但近期走勢頗差，我會待業績發佈後才決定是否減持或沽出，始終今天的下跌成交量是不大的。

2010-11-29 的股票組合如下:
小型企業　　(航運類股票) 9%
英皇證券　　 (00717.HK) 6%
AIA　　　　 (01299.HK) 12%
中國聯塑　　 (02128.HK) 8%
中國人壽　　 (02628.HK) 8%
重慶機電　　 (02722.HK) 8%
上海電器　　 (02727.HK) 7%
小型企業　　(衣履類股票) 6%
保利協鑫　　 (03800.HK) 15%
中海石油化學 (03983.HK) 12%
其他包括: 中信大錳 (1091.HK) > 招金 CW (25361.HK) > 四環醫藥 (00460.HK) > 長興國際 (00238.HK)

地產發展

觀乎今天地產股走勢，平均只跌約 3%。我會認為這反映了市場對樓市新措施的看法正面，並對樓市的前景投了信心的一票。雖然這是我不願見的，但我會相信市場的看法，樓市只跌 5-10% 的機會似乎頗大。另一隻今天市場的焦點股相信是美聯物業 (01200.HK)，股價放量下跌 17.43%，地產經紀行業似乎將會步入萎縮期。總括而言，我今天收到的訊息是樓價將不會大跌，但由於新政策淘汰了一班短線炒家，物業的成交量將大幅減少，從而打擊了物業代理行業的發展。

另外今天以 HK$1.21 買入一隻小型衣服類股票，慢慢再等待大市給予入市訊號。

政治風險

政府於上星期五公佈的打擊樓市短線炒賣措施即時見效，今早看網上新聞時不難發現大量相關標題。有些網民批評政府同時打擊了實際用家，有些剛買貨的炒家很不甘心，認為自己是今次政府干預樓市的犧牲品，多無辜啊！對於實際用家們，我只能建議儲多點錢並做好風險管理；對於那些沒有實力的炒家，我衷心說一句活該！作為銀行業的一員，雖然對於那些輸打贏要的傢伙見慣不怪，但香港這個地方的某些人，為了平衡自己心理上的傷痛，無論任何事總愛耍賴於政府頭上，實在叫人氣憤。

政治風險 (Political Risk) 存在於任何投資市場，即因為一些政治因素和政府政策的改變而令投資者承受的潛在損失。正如我們炒賣港股時會看國家國策，政策有甚麼轉變，股價亦會即時反映。我不知道那些輸打贏要的業餘樓市炒家是炒賣知識薄弱，還是自己的 market sense 低而發脾氣。作為一個投資者必須對自己的任何投資負責任才可以進步，所謂「錯就要認，打就要企定」，如果抱著那種輸打贏要的心態買賣股票，每次損手都找個藉口了事的話，我保證本金必定慢慢被耗盡！

說回樓市，在我角度來看，政府今次的措施說弱不弱，說狠也不狠。這兩天的所謂劈價其實反映市場之前對政府政策風險的無視。今次措施無疑會淘汰一班沒有實力的炒家，但始終樓市裡充斥著不同的投資者，我覺得不宜看得太淡。現在急急放盤者不少，而買家和短炒者似乎卻步，基於供求價格必定會下調。如果大量賣家由賣轉租，租金亦會有一定下調的壓力，不利樓價。另一方面由於侍機入貨者眾，我相信樓市雖然短期會有調整，但深度並不會大。這一切一切的預期發展，似乎都非常合政府意，既可壓抑樓市短期升勢，又不會刺穿泡沫。那麼資金會由樓市轉投股市嗎？不知道。我們可以做的就是做好劇本，順應每一個市場變化。於我的樓市劇本中，現今泡沫爆破的風險大減，若果樓市下調 15%，我會認真考慮入市自用。

上了一課

昨日以 $4.93 買入少量上海電器，今天則以 $4.65 買入中國聯塑。基本上對後市的看法仍審慎，始終今次調整的深度欠奉，所以買入的注碼不大。另外，今天賣出比亞迪 PW，一星期蝕了約 20%，幸好以注碼控制風險，輸掉的數目不大。老實說，由我開始買窩輪至今，只賺過一兩次，大多是以蝕錢收場。當然，我明白窩輪的運作，訂價的不公，但為甚麼我仍會去買呢？無他，槓桿也，尤其是看淡大市而又沒有其他工具選擇的時候！以我多次敗於窩輪手上的經驗，有幾點是必須注意的：
1) 有一定利潤時應即時獲利，不要抱有觀望的心態。
2) 如果看淡大市，應選擇恆指或之前股價大升的股票作為 underlying asset，絕對不要買熊股的 put 作為對沖，因為積弱已久的股票於大跌市時普遍反應相對較細。
3) 升市跌市總有個原因，總有個主題。如果能夠把握這個主題做相關槓桿，自然得心應手。

其實今次操作的方向是絕對正確的，問題出於選輪的考慮。說到底，賺/蝕多少錢絕對反映投資者對市場的解讀有多深。如果可以一一解讀每個版塊上升和下跌的真正原因 (坊間充斥太多不是原因的噪音)，就逢賭必贏。

2010-11-19 的股票組合如下:
小型企業　　(航運類股票) 12%
AIA　　　　 (01299.HK) 16%
中國聯塑　　 (02128.HK) 10%
中國人壽　　 (02628.HK) 11%
重慶機電　　 (02722.HK) 10%
上海電器　　 (02727.HK) 9%
保利協鑫　　 (03800.HK) 22%
其他包括: 中信大錳 (1091.HK) > 四環醫藥 (00460.HK) > 長興國際 (00238.HK)

減持減持再減持

今天是出貨天，總共沽出 5 隻股票，包括惠理 (00806.HK )，華晨 (01114.HK)，大昌行 (01828.HK)，南車時代電器 (03898.HK) 和波司登 (03998.HK)，並買入少量比亞迪 PW 玩玩。只兩三天時間整個組合的獲利部份被侵蝕了 8%！絕對要檢討檢討！

2010-11-15 的股票組合如下:
小型企業　　(航運類股票) 15%
AIA　　　　 (01299.HK) 20%
中國人壽　　 (02628.HK) 14%
重慶機電　　 (02722.HK) 13%
保利協鑫　　 (03800.HK) 27%
其他包括: 比亞迪 PW > 四環醫藥 (00460.HK) > 長興國際 (00238.HK)

2010 立山黑部旅遊 Day 2 - 上高地

今日比較得閒，繼續寫立山黑部第二日既旅程！

第二日 (24-10-2010) 朝早 7:30AM 係酒店食早餐，食完趁仲有 15mins 先出發拿拿臨出酒店外影下名古屋城先。雖然今次無機會入名城公園走一轉，但係可以望下名古屋城影番張相，都算係咁啦！

8:00AM 正式出發！大概 11:30AM 終於去到今次行程既重點之一，有神鄉地之稱既上高地。天氣雖然多雲無陽光，但係亦難掩大正池既美態！當然，如果有陽光既話，我會發左癲咁不停影好多好多靚相！

其實今次選擇 JGG5 的目的，就是要一睹大正池藍天白雲既景色。係網上睇見人地影既藍天白雲大正池，真係一見鍾情，實在令人神往！可惜今次緣慳一面，唯有影張陰天倒影當係安慰獎吧！

就係呢個時候，唔只天不造美，就連自己既身體都唔爭氣！行行下竟然肚痛，仲要好痛果隻！荒山野嶺要搵茅廁真係何其困難，唯有行快點祈求快點搵到廁所！沿途 miss 左唔少影相機會，不過無辦法．．．行左最少半個鐘，終於見到夢寐以求既廁所喇！(呢個故事教訓我地去旅行一定要每朝係酒店方便左先！) 解決完生理需要之後，發覺自己已經身處田代橋。好！係時候再次揹上相機上路。

因為陰天散射光既關係，大部份影既相同影得好既相都係同大人影既人像照 (唔知大人收唔收貨呢？) 沿途漫山紅黃綠，並唔係全個山頭一片紅色，不過正如領隊話齋要好似交通燈咁三隻色都有齊先靚。大約行到 1:30PM，差唔多到達河童橋喇。

河童橋有無河童？邊個知呀？不過就有一堆同河童有關既手信。由於是日午餐係食自己，去到河童橋第一件事就係搵食。時間關係，我同大人隨便揀左間餐廳就入去。餐牌全部都係日文，好彩都有Ｄ圖片俾我地指下指下。大人叫左個日式咖哩豬扒飯，而我就叫左個油漬魚蕎麥麵。雖然個蕎麥麵既味道都算唔錯，但係大人個咖哩豬扒飯就真係 oishi，Ｄ日式咖哩甜甜地又不失香味，正！

食飽飽之後離集合時間只剩約 20mins，但係我仲未同河童橋影靚相呢！於是我同大人兵分兩路，我就去影相，而大人就行手信店。基本上成條河童橋都係人，要係短時間內搵一個好既拍攝點絕對唔容易，不過唔理得咁多喇，抓緊時間影影影．．．

開心既時間過得特別快 (其實係唔夠時間)，大約 2:30PM 我地係上高地既 bus terminal 坐車離開，出發往水果園。

去水果園既車程大概一個鐘，但係天氣已經由天陰轉為落雨。呢期既時令水果係蘋果，老實講，水果園既蘋果質素真係好普通。加上落雨既關係，包括我地在內，團友們都唔係太想冒雨摘蘋果，真係貪 "浪漫" 咩．．．最後我地拎住 10 個蘋果 (每人可以摘 4 個，另外送 1 個)，拿拿臨走上車番酒店。

呢晚住宿白馬東急溫泉酒店。番到酒店大概 6:30PM，放低行李後 7:00PM 開飯，是日晚餐酒店既日式料理，味道都算 OK。

食完晚飯後，係便利店買左個綠茶雪糕同大人番房歎。

由於房間有暖氣完全唔覺得凍 (甚至有Ｄ熱)，加上經過全日既行程實在有Ｄ累，我同大人都無去到浸溫泉。另外從網上得知，呢間酒店既房間設有露台，但係偏偏分配俾我同大人果間就無！原本 plan 左呢晚影星星，都唔知好彩定唔好彩，撞正落雨，如果唔係我實投訴佢唔分間有露台既房俾我地，哼！

上高地官方網頁 http://www.kamikochi.or.jp/chinese_trad/

白馬東急溫泉酒店 http://www.hakuba-r.tokyuhotels.co.jp/english/index.html

畏高症發作

今天大市仍以大成交下跌，畏高症發作，下午以 $26.60 平手沽出南車時代電器，另外掛 $3.88 出波斯登，但最終一股也沒有沽出。畏高症通常會於兩個情況下發作，第一個是當股價跌至買入點的時候，第二個是當股價跌至重要支持位的時候。03898.HK 就是因為跌至買入點加上擔心大市調整而沽出，收市後回想自己的確有點笨！當時買入的原因是因為它大成交突破 trading range，既然是這樣，之前的 trading range 頂部相信會是一個不錯的支持。雖然是不畏高地買入，但卻畏高地出貨，多矛盾！而 03998.HK 就是因為股價試穿 20 天線這個重要支持位而想出貨。雖然至今 03998.HK 為我帶來 >70% 的回報，但近這一兩星期它是嚴重跑輸大市的，絕對不是一隻強勢股的表現！相反地，我愛死 01114.HK，哈哈！

要預防畏高症，其中一個方法就是從部位比重著手。03998.HK 這個部位始終比較重，是時候要減持一下，如果股價進一步下跌，必須全數沽出離場。不過我相信如果要克服畏高症，最重要的還是努力累積市場經驗吧．．．

一追再追

今天恆指跌了 1.02%，組合整體沒有甚麼變動，算是追回上星期跑輸恆指的部位。另外，今天終於忍受不了瑞年國際配股有限公司的波幅，於 $6.49 全數沽出，持貨 3 個月蝕了 3%，同期恆指上升 17%，嚴重跑輸。總結一下今次升市追貨的暫時結果，至目前為止今個月共追入 5 隻股票，包括 01114.HK 華晨，01828.HK 大昌行，02722.HK 重慶機電，03898.HK 南車時代電器和昨天買入的 01299.HK AIA。以上 5 隻股票由買入點計算至今的回報 (未計手續費) 分別是 15.68%，3.00%，9.06%，2.48% 和 0.85%，總回報為 5.2%，雖然略為跑輸恆指今個月為止的升幅，但基於以上股票都是上升時追入，有些更是這兩天才買的，我對表現已經很滿意，證明順勢投資的方向沒錯。當然，若果市況逆轉，能夠及時全身而退的話才算是策略成功，而這方面必須依靠每天密切留意訊息萬變的市場。對於大市，我今天仍是大好友一個，未來會特別關注美元和澳元的走勢，更會每日留意恆指的成交金額作為指標。

2010-11-9 的股票組合如下:
小型企業　　 (航運類股票) 8%
惠理集團　　 (00806.HK) 8%
華晨中國　　 (01114.HK) 9%
AIA　　　　 (01299.HK) 11%
大昌行　　　 (01828.HK) 8%
中國人壽　　 (02628.HK) 8%
重慶機電　　 (02722.HK) 7%
保利協鑫　　 (03800.HK) 15%
南車時代電器 (03898.HK) 8%
波司登　　　 (03998.HK) 11%
其他包括: 四環醫藥 (00460.HK) > 長興國際 (00238.HK) > 通天酒業 (00389.HK)

於適當的時候止賺

於兩隻小型企業股票分別上升超過 5% 和 超過 15% 的帶動下，組合回報更上一層樓，終於超過自己於 2007 年恆指 32,000 點高位的 profit，可想而知不懂止賺/止蝕的後果可以相當慘烈．．．如果當年懂得止賺，回報相信會超過現在的一倍。不過針不到肉不知痛，希望經過之前的教訓，將來的投資會做得更好。組合中洛鉬的走勢比我想像中差很多，或許其本身的估值已不便宜吧。連續兩天高開低收，似乎有散貨的跡象，如果這幾天還沒有起色的話便會先止賺。

2010-11-2 的股票組合如下:
通天酒業 (00389.HK) 1%
四環醫藥 (00460.HK) 2%
惠理集團 (00806.HK) 8%
華晨中國 (01114.HK) 9%
大昌行　 (01828.HK) 9%
瑞年國際 (02010.HK) 9%
中國人壽 (02628.HK) 8%
保利協鑫 (03800.HK) 16%
洛陽鉬業 (03993.HK) 8%
波司登　 (03998.HK) 13%
小型企業 16%

2010 立山黑部旅遊 Day 1 - 名古屋

回港一個禮拜，係時候寫遊記喇。寫遊記有兩個目的，第一個係記錄旅程美好既回憶，其次係為有緣人提供相關旅遊資料。今次係跟縱橫遊既立山黑部團 JGG5，特點係包括一般旅行團唔會去既地方上高地。今次行程除左天不造美外，我對其他一切都好滿意。好！先來第一日既旅程！

第一日 (23-10-2010) 朝早 8:30AM 同大人到達機場集合，過關後跟同日出發去上海既朋友食早餐，10:30AM 出發往名古屋國際空港。 3:30PM 左右抵達名古屋，由於旅遊車仲未到，領隊俾左 20mins 我地係機場裡面行下，不過我搵唔到矢場とん既味噌豬扒，似乎緣慳一面，之後我地就直接去食晚飯喇。咁快食晚飯！？唔會掛！？無錯！大約5:15PM 就去到餐廳，好在個手桶御膳賣相唔錯又幾好味，如果唔係真係食唔落。

食飽飽後坐左一陣車就去到名古屋電視塔，開始個半鐘既掃貨行程。其實出發前我地已經 plan 定要去既地方，包括三越既 Agnes b 同埋 Fancl，仲有要去食世界のやまちゃん既幻の手羽先(雞翼)。解散後第一時間同大人去三越，可惜係 Agnes b 睇唔啱款，而 Fancl 又無大人要買既野，最後都係零收獲而回。唯有再戰榮地下街，睇下有無其他野可以買。行左一陣，見到桂新堂既分店，試下 D 蝦餅先．．．蝦味好濃，味道唔錯，於是就同大人買左四包。事後計番都真係幾貴，為番港幣 $10 一塊 -_-" 之後出番地面想搵世界のやまちゃん，但係搵極都搵唔到，又就到集合時間，唯有放棄，真係有 D 失望．．． 8:00PM 於電視塔集合，5-10mins 就番到 Nagoya Westin Hotel，結束第一日既旅程。最激氣既係番酒店上網先發現世界のやまちゃん既網址，裡面有分店地址同地圖，唯有嘆句同幻の手羽先無緣。其實之後仲落左街行左陣想搵雞翼食，但係酒店附近真係太黑又無野行，所以行左陣都係番酒店休息算。

名古屋 Westin Hotel http://www.castle.co.jp/wnc/

世界のやまちゃん http://www.yamachan.co.jp/

桂新堂 http://www.keishindo.co.jp/
三越 http://www.mitsukoshi.co.jp/