灰灰地

旅行返港後一想到要返工個人就灰灰地，今朝起身時更加唔願返工，甚至有一刻既衝動想 ... ... 不過都係諗下好，年紀已經唔細 ... ...

話說四川人非常懂得享受生活，香港人拍馬都追唔上。俗語話「少不入川　老不出川」，可想而知係四川既生活係幾咁悠閒。四川人朝九晚五準時收工，得閒就會去玩，當然生活也無憂，係我理想中既生活。每想到呢度，我都會慨嘆自己係香港究竟做緊乜！？做得香港人，一生就係勞勞碌碌為蝸居，真係搵到都無時間駛。香港人眼中既享受，就係久唔久食下所謂既好野，去下日本泰國旅行 relax relax。無錯，真係幾 relax 架，不過平時呢？一年 365 日有幾多日去遊山玩水，有幾多日唔係好辛苦咁去工作？枉香港人成日自誇識 "嘆"，我諗係嘆氣個嘆吧！

對我黎講返工唯一既動力就係供養父母，給未來老婆一個溫暖既家！人在香港，生活就像強姦，工作就像輪姦。除非我決定拋低一切逃離香港，否則只有選擇去享受俾人輪既感覺先不致心理變態！