快樂人生: 12月 2010

2010年12月31日星期五

2010 年 12 月份組合表現 + 下半年回顧

轉眼已是 2010 年的最後一天了。恆指十二月份微升 0.12%，同期股票組合回報下跌 1.55%，跑輸恆指 1.67%，是近四個月來表現最差的。總結十二月份，自己做減持和獲利的反應很差，以致十一月所取得的回報有部份損失。在市場參與者的數量明顯減少的情況下，基本上恆指沒有甚麼方向，我相信明年一月市場會有清晰的指引。

今年下半年開始我為每一單交易和每個月的股票組合表現都做了記錄。表現最差的是八月份，之後痛定思痛改變了投資方法，並經常參考其他博客的投資，令十月份的表現大幅跑贏恆指 9%，連自己也感覺脫胎換骨！

　　　　組合回報　　恆指回報　　組合相比恆指
7 月　　 2.63%　　　 4.48%　　　　-1.85%
8 月　　-7.11%　　　-2.35%　　　　-4.76%
9 月　　15.84%　　　 8.87%　　　　 6.97%
10 月　　12.45%　　　 3.30%　　　　 9.14%
11 月　　 6.67%　　　-0.38%　　　　 7.05%
12 月　　-1.55%　　　 0.12%　　　　-1.67%

整個下半年恆生指數回報為 14.44%，同期股票組合回報為 30.08%，很高興能夠以 15.64% 大幅跑贏！賺得最多的包括波斯登、保利協鑫、中國國航、博士蛙和中銀香港，損失最慘重的是中國人壽。再看一看其他數據，原來這半年的買賣手續費蠶食了回報約 5%，即不計手續費的話下半年組合回報可達 35%，好可怕！這是一個很好的 "小數怕長計" 例子。

2010-12-31 的股票組合如下:
小型企業　　 (航運類股票) 9%
德昌電機　　 (00179.HK) 9%
四環醫藥　　 (00460.HK) 2%
惠理集團　　 (00806.HK) 8%
信義玻璃　　 (00868.HK) 9%
AIA　　　　 (01299.HK) 12%
華潤水泥　　 (01313.HK) 8%
中國聯塑　　 (02128.HK) 11%
中國無線　　 (02369.HK) 7%
保利協鑫　　 (03800.HK) 19%
波斯登　　　 (03998.HK) 6%

個股方面，在十二月大部份的強勢股跌至 50 天線的情況下，保利協鑫仍能於本月再創 52 週新高，技術走勢實在好得有點出乎我意料。加上預期明年國內通漲問題仍會持續，焦點將會落入上游行業的股票。我亦預計國內太陽能行業的發展會因為國策扶持並且托展內需而大幅增長。基於以上種種原因，我相信 2011 年上半年保利協鑫將會是帶動組合上升的火車頭，我會非常安心繼續重倉持有。至於中國聯塑和信義玻璃都是技術走勢良好的國策受惠股，如無意外我會選擇中線持有。作為強勢股的惠理集團和德昌電機的股價最近有點停滯不前，我會看明年 1 月市場的走勢才決定如何操作。小型企業 (航運類股票) 的技術走勢一般，但估值仍然十分便宜，是價值投資之選。昨天於 50 天線買入中國無線的原因是搏技術反彈，當有一定的盈利我會先行沽出。另外我傾向當 AIA 升回買入價和華潤水泥有一些利潤時沽出，換入其他更有投資價值的股票。手中最想賣掉的是弱勢股波斯登，比起買入價已下跌了差不多 20%，我相信明年我會伺機止蝕此股。四環醫藥佔整個組合的比例太少，暫時對它沒有任何打算。

明年的投資策略仍然會是順勢而行。綜合網上一些博客的看法，焦點將會落於不受通漲影響的國策受惠股。至於是哪些股票，則要花時間做功課並留意市場給我們的提示了。

2010年12月29日星期三

2010 立山黑部旅遊 Day 5 - 道頓堀、心齋橋

最後一日既行程都幾輕鬆，成個朝早係道頓堀同心齋橋一帶行街 shopping。由於當地既商鋪無咁早開門，所以係酒店出發既時間定為 10:00AM。唔駛十五分鐘既車程，我地就係道頓堀落車兼解散。

行緊心齋橋既途中，我同大人發現之前果晚排長龍既 crepe 店竟然無人！

於是我地就買左個秋季限定既栗子味 crepe 食，好好味架！

個幾鐘之後，大人都係睇唔啱 D 銀包，又就黎到集合時間，唯有空手行番去道頓堀啦。去到道頓堀，又無理由唔食章魚燒架！？係呢個時候我地撞到啱啱食完赤鬼章魚燒團友，佢地話赤鬼既水準比起佢地上次食差左好多。既然係咁，我同大人就揀左本家日本一大たこ章魚燒。唔駛十分鐘，大人手上已經拎住熱辣辣又大粒既章魚燒喇，oishi 既呢。

食完道頓堀著名既本家章魚燒之後，我地就行固力果專門店，我仲買左盒章魚燒味既百力滋呢。轉眼又到 12:30PM 既集合時間，我地同 stay behind 既團友 say good bye 之後，馬上離開道頓堀去食晏。

2:00PM 我地就去到關西空港附近既餐廳享用任食日式網燒。係呢個時候領隊就拎左 D 刺身同埋 A4 和牛分派俾之前訂左既團友。因為太貴，我同大人之前都無訂到，唯有食餐廳提供既任食肥牛啦，點知有驚喜喎！D 肥牛脂肪分佈均勻，肉味都好重，正！老實講，餐廳果 D 咪又係和牛，我就唔信佢係進口牛肉，駛乜幾百蚊特登買塊和牛扒呢！？

除左牛肉，餐廳仲有其他任食肉類同蔬菜，種類都唔算少，凍咖啡仲係任飲添。另一樣吸引我既就係超過十款味道既任食雪糕，有大人最鍾意既咖啡味，仲有波子氣水呢 D 比較得意既味道呢。

開心既時間過得特別快，大約 3:15PM 我地就去到關西空港，意味住呢次既日本旅程即將完結。過關既時候有一段小插曲，因為個袋裡面既橙味果凍唔上得飛機，我地又無匙羹係手，結果被迫掉左佢，真係可惜。過左關之後我地當然唔會放過購物既機會啦，買手信之餘，我地仲係一間商店裡面發現傳說中青木松風庵既芝士蛋糕，不過因為賞味期限只得兩三日，所以都係無買到。

隨著時間一秒一秒咁過去，係時候同日本講聲 sayonara ~

道頓堀商店会 http://www.dotonbori.or.jp/index.php

心斎橋筋商店街 http://www.shinsaibashi.or.jp/

2010年12月25日星期六

2010 立山黑部旅遊 Day 4 - 白川鄉、心齋橋

由於第三日已經去左兼六園，第四日 (26-10-2010) 可以七點幾先起身。係酒店食左少少早餐，8:00AM 趁無雨行去酒店附近既高岡大佛影相。五分鐘之後即刻俾景點門口既兩個守護神威嚴既樣嚇親，簡直有 D 唔敢直視，呢張相都係戰戰兢兢咁影...

雖然話高岡大佛係日本三大佛之一，但係成個景點範圍就真係有 D 細。影左大約十五分鐘已經係時候行番酒店。

8:30AM 係酒店出發去白川鄉，車程只不過係一個小時。我地首先係去白川鄉天守閣展望台，睇下白川鄉既全景先。

再黎一張移軸鏡效果：

其實展望台果度有幾位拎住 Full Frame 機既工作人員可以幫遊客影相，俾部單反佢地幫手影絕對唔係問題，但係注意如果用佢地部機影就要俾錢架喇！另外，展望台隔離有間手信店，裡面除左有合掌屋之外，仲有唔少日本國寶 Hello Kitty 既手信。

話咁快我地就進入白川鄉，10:30AM 解散自由活動喇。之前上網已經 print 定白川鄉幅地圖，但係我發覺就算拎住都唔知自己係邊，唯有見路就行。

沿途仲有 D 要俾錢先可以入去參觀既合掌屋，不過因為大人唔想入去同埋要錢既關係，最終我地都係無入到，只係係周圍同大人影下靚相。係呢個時候，最唔想發生既事又再次發生喇，落雨！雖然好似幾浪漫咁，但講真都唔係咁方便，唯有行去買期待已久既飛驒牛肉串，順便避下雨。

飛驒牛唔韌仲幾有牛味，另外我地再叫左個牛肉碎炸薯餅呢。因為我需要買張名信片俾朋友既關係，我地求其行左入一間手信店。睇下 D 名信片，我同大人先驚覺原來白雪中既白川鄉係最靚架！不過，我成日都話，睇靚景影靚相係要有代價既，冬季既白川鄉一定凍到傻！11:30AM 我地揀左一間餐館食飯，我叫左個味噌吉列豬扒飯，味道 OK 既，不過就唔及河童橋個豬扒飯好味喇。而大人就食炸蝦天婦羅蕎麥麵，都好好味架。

食飽飽後又差唔多到 12:30PM 既集合時間。由於低溫加上落雨，凍上加凍，行左一段路之後大人已經不顧一切咁走往旅遊車既方向。與此同時，作為一個唔識影相既影相佬，我把握上車前既最後機會亂影，一於影番夠本！

終於要離開白川鄉喇，接住落黎既就係往大阪五小時既車程！旅遊巴慢慢駛離白川鄉之後，奇蹟出現喇！雲層中穿透著一絲絲既陽光，藍天就係我地既眼前！正當全車團友表現得興奮，我就有 D 感概個天玩野，戶外行程就日日落雨，行街 shopping 就藍天白雲！？大概 2:30PM 車就停左係中途站休息休息，我地就買左人氣 NO.1 既小食同飲免費綠茶消磨時間。到達大阪既時候仲未到食飯時間，5:30PM 我地係難波解散去 shopping，我同大人梗係第一時間去 agnes b 同埋其他鋪頭睇下有無合適既銀包啦，仲有唔少得同固力果人影下相。

行左一陣就差唔多要食飯喇，7:00PM 我地就去到難波既一間餐館。是日晚餐係神奇紙火鍋料理，有幾神奇！？搵火燒住張紙都唔著火，孤陋寡聞既我梗係覺得神奇啦！

食完飯我地就番是晚酒店大阪喜來登都。原本我同大人都對 Sheraton 充滿期望，但係一去到之後呢個期望就即刻被打入谷底。無他，Sheraton Miyako Hotel Osaka 實在太舊，連個大堂都俾唔到一種 grand 既感覺我，無計啦。番酒店休息左陣，我就同大人出左去附近既激安之殿堂 shopping，步行五分鐘就到。雖然激安之殿堂主要係賣 D 野食同日用品，但係我同大人都行左好耐而且買左好多野先走。番到酒店，同今次日本旅程既戰利品影下相先！由於數量太多，以下相片不能盡錄。

白川鄉官方網頁 http://www.shirakawa-go.gr.jp/
大阪喜來登都酒店 http://www.miyakohotels.ne.jp/osaka/
激安の殿堂 http://www.donki.com/index.php

2010年12月21日星期二

損手爛腳

今天組合繼續跑輸大市，12 月份累積至今已跑輸差不多 3%，表現令人沮喪。最大的原因是當手上的一眾強勢股突然轉勢，自己仍不懂應變，思前想後，不去持盈保泰，反應太慢，活該！從失敗中累積經驗，希望明年會做得更好。今早忍痛分別以 $2.74 和 $5.17 全數沽清重慶機電 (02722.HK) 和上海電器 (02727.HK)，於 $5.56 買入德昌電機 (00179.HK)，再以 $0.158 止蝕恆指熊證 (66128.HK)，除了 02727.HK 有微利外，02722.HK 和 66128.HK 分別有 6% 和 13% 的虧損。雖然大市成交量持續下跌，但細心觀察下，某些股票的成交量跟本沒有明顯縮減，這是我近兩個星期所忽略的。例如今天成交只有 600 億，但保利協鑫仍以一個不錯的成交量上升 4%，技術上 MACD 雙牛，令我更加相信明年太陽能行業將會是市場焦點。現時我需要尋找值得投資 / 投機的股票，去填補已賣出或將會賣出的弱勢股。

2010-12-21 的股票組合如下:
小型企業　　 (航運類股票) 10%
德昌電機　　 (00179.HK) 10%
四環醫藥　　 (00460.HK) 2%
惠理集團　　 (00806.HK) 9%
信義玻璃　　 (00868.HK) 9%
AIA　　　　 (01299.HK) 13%
華潤水泥　　 (01313.HK) 8%
中國聯塑　　 (02128.HK) 11%
保利協鑫　　 (03800.HK) 21%
波斯登　　　 (03998.HK) 7%

2010年12月20日星期一

不務正業的結果

今日波斯登大跌，似乎市場對它沾手太陽能行業這種不務正業的行為頗為負面，既然今天已大跌，沽貨似乎也太遲了，要止蝕的話還是等反彈到 $3.50 吧。說到太陽能，基於市場對保利協鑫的信心和該公司為太陽能行業的上游公司，我對其前景充滿信心。組合中最令我放心持有的除了保利協鑫外，還有惠理集團、信義玻璃和中國聯塑。至於其他持股，我認為近期的弱勢促使我需要將部份持股沽出。近期我的操作反應比較慢，是組合跑輸大市的其中一個重要的原因，今天沽出英皇證券也是慢了。過年前會是汰弱留強的時期，我預期明年成交回復正常時將會是升浪的開始。

2010年12月18日星期六

公司 Annual Dinner

尋晚公司 Annual Dinner 係灣仔會展 Grand Hall 舉行，場面都算幾盛大。記得之前果兩間公司都係求其係酒樓食下飯就算，可以講係一種對比。

尋晚 7:00pm 我地 sales team 就已經到左會展，趁有時間就同另外兩個同事排下 "攤位遊戲"，其實係畫 Q 版人像，不過等到 7:30pm 工作人員就話師傅要收工無得畫，有 D 可惜。是晚大會主持係羅敏莊，菜單包括乳豬、原隻鮑魚、海斑和魚翅等，約有 200 圍。開始既時候大家抽左圍獎先，有 Biotherm、Crabtree 同埋阿一鮑魚，都真係唔錯，不過我就無份喇。台上一路抽獎，台下一路食野，直至叫到 Number 2425... 咦！我張飛咪 2425！？嘩，由出世都而家都無乜抽獎運既我竟然中獎呀，仲要係大概二千幾人爭一百份禮物既情況下中左，勁開心！禮物係飛甩雞毛既掛頸 card holder！

食到尾既時候，大部份獎包括比較吸引既 iPad 10 部都抽哂喇。係抽終極大獎之前羅敏莊就先唱佢既首本名曲 <<挑戰者>>，跟住就輪到 Rubber Band 出場。係呢個時候，開始有 D 小 fans 走到台下影下相，雖然人數唔多，但都有少少 mini concert 既氣氛。壓軸既係 Kary 吳雨霏，影相既人比之前多左，仲有 D fans 爭住握手，都幾過癮。不過同事話舊年張敬軒做嘉賓氣氛勁好多，哈哈。今年終極大獎係 HK$29888 既信用卡免找數簽賬額，一講中獎號碼既頭一個數字，我地成檯人就起身散水喇。

2010年12月10日星期五

震倉或派貨？

今天倉內股票大部份都下跌，整體跑輸大市近 1%，令我開始懷疑部份選股是否出了問題。首先說說星期二出了業績的英皇證券 (00717.HK)，我沒有花時間研究業績。雖然全年收入上升 117.8%，但下半年的收入比上半年的有些微倒退，值得留意。這一切似乎都在市場預計之內，股價於業績公佈前後沒有甚麼大改變，我傾向於仍未跌穿買入點前沽出。今週惠理集團 (00806.HK) 的股價仍然穩固，相對在多隻強勢股下調的情況下，表現令人滿意。至於信義玻璃 (00868.HK) ，儘管由買入至今已下跌了差不多 5%，但由於基本因素良好，10 月尾起的技術走勢更似是收集形態，暫時我仍很放心持有。 AIA (01299.HK) 方面，若果亞洲股市持續弱勢的話，相信此股仍會被點穴一段時間。估計受到福建實施水泥價格干預消息的影響，水泥版塊這幾天全線下跌。下跌的成交量並不算大，我會繼續觀察並持有華潤水泥 (01313.HK)。本週重慶機電 (02722.HK) 的走勢開始令我有點擔憂，今天股價下試 $2.90，50 天線會是一個重要的支持位。此股的波幅一向比較大，因此未確認轉勢之前我還是會繼續觀察。最令我感到恩惠的是重倉的保利協鑫 (03800.HK) 今個星期累積升了 11.37%，抵消了倉內部份股票的大跌。對於太陽能行業的前景我是充滿信心的。

2010-12-10 的股票組合如下:
小型企業　　(航運類股票) 7%
英皇證券　　 (00717.HK) 6%
惠理集團　　 (00806.HK) 7%
信義玻璃　　 (00868.HK) 7%
AIA　　　　 (01299.HK) 10%
華潤水泥　　 (01313.HK) 7%
中國聯塑　　 (02128.HK) 8%
中國人壽　　 (02628.HK) 7%
重慶機電　　 (02722.HK) 6%
上海電器　　 (02727.HK) 6%
小型企業　　(衣履類股票) 6%
保利協鑫　　 (03800.HK) 15%
波斯登　　　 (03998.HK) 6%
其他包括: 四環醫藥 (00460.HK) > 長興國際 (00238.HK)

2010年12月6日星期一

強者越強

今日組合繼續強勢，中國聯塑 (02128.HK) 和保利協鑫 (03800.HK) 都有不錯的升幅，帶動組合跑贏大市 1.8%。

今早見惠理集團 (00806.HK) 突破 52 週高位，成交不弱，於是下午便以 $8.01 買入。其實一早已有買回此股的意思，但無奈股價怎麼也跌不下，只好趁今天破頂追入。我常常跟母親大人說賣了好的股票就很難買回，豈料自己又犯了這個錯誤。今天下午也買了另一隻股票信義玻璃 (00868.HK)。技術分析方面，此股昨天放量上升並且 MACD 雙牛。基本因素方面，受到中國明年擬投資 1.4 萬億建 1000 萬套保障房的消息影響，預計玻璃的需求將會有迅速增長。

個股方面，組合中較弱的包括 AIA (01299.HK)，中國人壽 (02628.HK) 和波斯登 (03998.HK)。無疑我希望盡快平手沽出 AIA 和中人壽，至於波斯登，我則期望冷鋒可以帶起它的股價。

2010-12-06 的股票組合如下:
小型企業　　(航運類股票) 8%
英皇證券　　 (00717.HK) 6%
惠理集團　　 (00806.HK) 6%
信義玻璃　　 (00868.HK) 7%
AIA　　　　 (01299.HK) 10%
華潤水泥　　 (01313.HK) 7%
中國聯塑　　 (02128.HK) 8%
中國人壽　　 (02628.HK) 7%
重慶機電　　 (02722.HK) 7%
上海電器　　 (02727.HK) 6%
小型企業　　(衣履類股票) 6%
保利協鑫　　 (03800.HK) 14%
波斯登　　　 (03998.HK) 6%
其他包括: 四環醫藥 (00460.HK) > 長興國際 (00238.HK)

2010年12月4日星期六

2010 立山黑部旅遊 Day 3 - 立山黑部、兼六園

第三日 (25-10-2010) 朝早起身第一件事就係望下窗外天氣，唉... 仍然落大雨，想唔擔摭都難... 7:30AM 係酒店食完早餐，8:00AM 出發前往扇沢。沿途已經有 D 霧水，經驗話我知上到山會乜都睇唔到，不過都唔到我控制啦。無軌電車於 9:00AM 係扇沢開出，轉眼就已經去到黑部水壩。一行出室外，由於天氣太凍加上落雨，大人已經係咁叫我行快 D。雖然大霧又大雨，但美景當前，我呢 D 唔識影相既影相佬點都要影番幾廿張先會安樂！拿拿臨搵個位影張全景相止下痕先。

影完之後即刻同大人衝入室內，自己就趁能見度未太低時翻轉頭冒雨再影多幾張，但唔夠五分鐘眼前已經一片白濛濛了。係黑部湖駅等地下纜車果陣有人兜售立山黑部寫真集，每本只係賣 1000 円，價錢絕對吸引！不過無理由於拎住本寫真集上山掛，所以都係唔買住。大概 10:20AM 我地就去到黑部平喇，不過仍然係乜都睇唔到...

室外無野睇，唯有係室內睇下手信。

行左陣就要去坐第三種交通工具空中纜車喇，室外仍然白濛濛一片乜都無得睇。上到大觀峰能見度就更低，基本上都係無風景睇。大約 11:30AM 再坐無軌電車往海拔 2500 米既室堂。室堂係我地食晏既地方，因為仲未到食飯時間，領隊叫我地四圍行下先，12:15PM 係餐廳門口集合。天雨加上大霧，原本應該爭住影相既 "標高 2450 米" 石頭周圍想搵個人都難。

是日午餐 "山菜定食"，食材係簡單 D，但唔係出發之前講到咁差喎。

食飽飯四圍行，發現之前係黑部湖駅見到果本寫真集！每次去旅行，我都會買本當地既寫真集做紀念，當然今次都唔會放過呢本抵到爛既寫真啦。

買完再係室堂既簡易郵便局隔離自行印齊哂六種交通工具既圖案係本寫真集尾尾空白既地方上面，整埋個日期，真係極具紀念價值！大概 1:30PM 我地就坐高原巴士去美女平了。由室堂去美女平要 50 mins，領隊話平時呢一段係欣賞立山風景既好時間。不過都係果句，白濛濛都無乜野睇到，大人仲趁呢個時候覺豬仔... 一覺訓醒到左美女平又要等車，今次係等地下纜車落番立山駅。