落機後就坐車去山腳既餐館食晏，大概 11:30AM 再坐兩個幾至三個鐘頭車先去到九寨溝，交通時間一 D 都唔短！
進入九寨溝後既首站係諾日朗瀑布。因為係淡季既關係，領隊亦無叫我地租車。雖然係咁，亦唔代表坐環保巴可以坐得好輕鬆。落車後梗係第一時間去影相，裝好塊 ND8 正要拎隻腳架出黎既時候，先發現鎖實波頭個位甩左用唔到，九成係寄倉既時候扔爛左！天呀，咁塊 ND8 仲有乜意義，影呢個水流唔多而又逆光既瀑布同我心目中既落差實在太大喇！
下一個景點係老虎海，再走過樹正瀑布，終於都有 D 野睇下。
行到大概 4:30PM 左右，天都未黑就要坐車離開喇，跟團總係掃興。是晚入住九寨天堂洲際大飯店，晚餐亦係酒店 buffet，不過如果你諗住洲際 buffet 一定會好食既話咁就一定會失望。Anyway，有團友對九寨天堂既 comment 係 "我住過最差既一間 InterContinental！" 另一方面，原本諗住夜晚可以影下星，不過露台方向唔好又唔想走出酒店變雪條，所以都係乖乖地早 D 訓。
九寨溝官方網頁
http://www.jiuzhai.com/
九寨天堂洲際大飯店
http://www.intercontinental.com/intercontinental/zh/cn/locations/overview/jiuzhaiparadise
沒有留言:
張貼留言